Mønsterplanen 1974 · nynorsk, s. 214 (skann 216)

214 framande land, fuglelåtar, dyreskrik 0.1. Lydmateriell kan gje liv og farge til bilete og tekst. Andre aktivitetar: musikk og songar i tilknyting til emna, andre folks språk, tale av kjende personar (arkivopptak), intervju med miljøty piske kvinner og menn. Til gruppa trykte læremiddel høyrer lærebøker og annan faglitteratur, oppslagsbøker, instruksjons- og øvingsmateriell, aviser, vekeblad, tidsskrift og informasjonstrykksaker (brosjyrar o.l.). Også skjønnlitterære bøker kan gå inn under denne gruppa læremiddel. Det trengst ein del inventar, maskinar, reiskapar og apparat til undervisninga i ulike greiner av orienteringsfaget: hagestell, fysikk, kjemi, heimkunnskap med praktiske aktivitetar (t.d. varmekjelde, vatn og vask, vekt og mål, reagensglas, koppar og kar). Av audiovisuelle hjelpemiddel treng ein filmframvisar, småbiletprosjektør, fjernsyn, dupliseringsutstyr, bandspelar, radio, ymse slag diaskop. VURDERING Ved vurderinga skal ein følgje dei retningslinjene som er gjevne i kapitlet Vurdering i den generelle delen av mønsterplanen. Vurderinga tek utgangspunkt i skolen si generelle målsetjing, faget si spesielle målsetjing og eleven sine føresetnader på fagområdet, og ein må ta omsyn til dei undervisningsmetodane og arbeidsformene som er nytta. Ved vurdering av eleven si arbeidsevne i eit fag må ein ta omsyn til eleven sitt kjennskap til og dugleik i å utnytte faget sine hjelpemiddel, evne til sjølvstendig arbeid og til arbeid i grupper. Det er ikkje nok at læraren vurderer elevane sin arbeidsmåte og resultata av arbeidet deira, like viktig er det at elevane får øving i sjølv å vurdere. Den einskilde eleven sitt arbeid må vurderast med jamne mellomrom, både for å stimulere interessa for faget og for å gje rettleiing for vidare arbeid. Eit avslutta arbeid må vurderast snarast mogeleg. Etter målet for undervisninga i orienteringsfaget er det utviklinga til eleven og evna til allmenn livsorientering ein skal vurdere. Det bør leggjast større vekt på oversikt enn på detaljkunnskapar.

Mønsterplanen 1974 · nynorsk s. 214 skann 216

Funn på siden 3

Siter