Læreplanverket 1997, s. 79 (skann 81)

praktisk reiskap i arbeidet med fag, tema og prosjekt. Informasjonsteknologi kan setje elevar i stand til å nytte databasar i inn- og utland. Både jenter og gutar bør stimulerast til å nytte informasjonsteknologi for å motverke sosial og kjønnsmessig ulikskap i opplæringa. Utviklinga på dette området går raskt. Det er viktig at ein lokalt finn fram til løysingar som gir rom for utprøving, utveksling av røynsler og oppfølging på tvers av faga. Vurdering Gjennom ulike former for vurdering skal læringa til elevane og opplæringa i skulen sjåast i forhold til mål, innhald og prinsipp i læreplanverket. Samtidig skal vurderinga knytast saman med og vere grunnlag for rettleiing, og medverke til vidare utvikling av elevane og av skulen. Vurderinga skal inspirere lærarane til å tenkje gjennom, planleggje og betre undervisninga. Ho skal gi informasjon til andre utdanningsinstitusjonar og til arbeidsliv om den kompetansen eleven har oppnådd når opplæringa er gjennomført. Elevvurdering Hovudformålet med elevvurdering er å fremje læring og utvikling. Gjennom vurdering og rettleiing får elevar, foreldre og lærarar tilbakemelding om framgangen til elevane, om arbeidsprosessar og resultat. Vurdering og rettleiing skal gjere at elevane kan gjere seg nytte av tilbakemeldingar og reflektere over sitt eige arbeid og sin eigen framgang, og motivere dei til innsats og til å bruke evnene sine. Elevane skal vere aktive deltakarar i arbeidet med vurdering og øve opp evna til å ta medansvar for og vurdere sitt eige arbeid. Jamleg individuell vurdering utan karakterar er ein del av den daglege opplæringa, og skal og vere med i faste og planlagde samtalar mellom lærar, elev og foreldra/dei føresette. I ei slik vurdering skal ein leggje vekt både på individuelle føresetnader, arbeidsprosessar og arbeidsresultat, med utgangspunkt i måla i læreplanen. Ein skal gi individuell rettleiing om korleis eleven kan arbeide vidare. På ungdomssteget skal det og vere vurdering med karakterar. Denne vurderinga tek utgangspunkt i mål og innhald i faga. Vurdering med karakter må ein sjå i samanheng med den individuelle vurderinga utan karakter, slik at ein samla sikrar breidda i vurderinga av elevane. Skulebasert vurdering Skulebasert vurdering er eit ledd i utviklinga i skulen. Denne vurderinga skal gjere det mogeleg å vurdere i kor stor grad opplæringa og verksemda i skulen er i samsvar med mål og prinsipp i læreplanverket. Ho skal vere til hjelp i arbeidet med skuleutvikling, og gjere at per- SIDE 79 PRINSIPP OG RETNINGSLINJER

Læreplanverket 1997 s. 79 skann 81

Siter