Læreplanverket 1997, s. 77 (skann 79)

elevane sjå samanhengar mellom praksis og teori og mellom handling og kunnskap. I opplæringa skal elevane planleggje, organisere og gjennomføre praktiske arbeidsoppgåver. Sjølvstendig arbeid og fordjuping Opplæringa skal gi rom for sjølvstendig arbeid og fordjuping i fag, kunnskapsområde, tema og prosjekt. Ein skal leggje vekt på at elevane får innføring i studieteknikk og at dei tileignar seg gode arbeidsvanar som grunnlag for sjølvstendig arbeid, samarbeid og fordjuping. Det skal hjelpe elevane til å finne fram til og kritisk vurdere informasjon frå ulike kjelder. Prosjektarbeid Prosjektarbeid er ei arbeidsform der elevane med utgangspunkt i eit problemområde, ei problemstilling eller ei aktuell oppgåve definerer og gjennomfører eit målretta arbeid frå idé til ferdig produkt, konkret resultat eller praktisk løysing. Kravet om ferdig produkt, konkret resultat eller praktisk løysing skal gjere sitt til at røynsler, opplevingar og kunnskapar blir formidla og presenterte for andre. Planlegging, gjennomføring og vurdering av prosjektarbeidet skal gå føre seg i nært samarbeid mellom elevar og lærarar. Lærarane har ei viktig rolle som rettleiarar og rådgivarar. Prosjektarbeid kan gjennomførast både innanfor og på tvers av fag og knytast til lokale val og konkretiseringar. Breidda i problemområdet kan variere. Den aukande faginndelinga gjennom skuleløpet stiller sterkare krav om samarbeid mellom lærarane. Prosjektarbeidet må tilpassast alderen, interessene og føresetnadene til elevane. Siste året i grunnskulen skal dei gjennomføre ei prosjektoppgåve som skal vurderast skriftleg. SIDE 77 PRINSIPP OG RETNINGSLINJER Marianne Heske: Ras 1993. Videomåleri på sandblåste aluminiumsplater og 1001 krystalldokkehovud

Læreplanverket 1997 s. 77 skann 79

Siter