Læreplanverket 1997, s. 69 (skann 71)

I fådelte skular skal ein arbeide med det sentralt fastsette lærestoffet i den rekkjefølgja og på det årssteget som ein synest er best pedagogisk og mest praktisk innanfor kvart hovudsteg. På ungdomssteget skal ein så langt råd er arbeide med lærestoffet på det klassesteget det er lagt til. Progresjon Læreplanane for faga er utforma med sikte på god samanheng og utvikling gjennom skulegangen. Opplæringa skal planleggjast, organiserast og gjennomførast slik at det elevane møter på eitt steg, skal vere førebudd på dei tidlegare stega og gi meining i forhold til det som kjem etter. Det elevane møter i eitt fag, kan førebu, forsterke og utfylle det dei møter i andre fag. Opplæringa skal skape gode vilkår for utvikling og læring tilpassa føresetnader og modning og leggjast til rettes slik at ho blir relevant og aktuell for den alderen elevane er i. Sidan føresetnadene i aldersgruppene er nokså ulike, gir læreplanane for faga rom for individuell tilpassing. Faginndeling - arbeid på tvers av fag Lærestoffet er ordna i fag, og læreplanane er organiserte slik at faga gjensidig kan styrkje kvarandre. Ein må sjå mål og hovudmoment i forhold til kvarandre med sikte på heilskap og samanheng både innanfor og mellom faga. På småskulesteget skal store delar av opplæringa organiserast i tema. Gjennom heile skuleløpet skal ein utnytte samanhengar og strukturar mellom fag og fagområde. Det er med på å utvikle heilskapsforståing hos elevane og gjer at dei kan gjere seg nytte av kunnskap og dugleik på tvers av faga. SIDE 69 PRINSIPP OG RETNINGSLINJER Petter Zennstrom: Ring, 1991. Olje på tre

Læreplanverket 1997 s. 69 skann 71

Siter