Læreplanverket 1997, s. 5 (skann 7)

Prinsipp og retningslinjer for opplæringa i grunnskulen er brua mellom den generelle delen av læreplanverket og læreplanane for faga. Læreplanar for faga er utforma med grunnlag i den generelle delen og i samsvar med prinsippa og retningslinjene for opplæringa i grunnskulen. Planane inneheld måla for og innhaldet i opplæringa i det enkelte faget og gir samtidig rom for lokal og individuell tilpassing. Læreplanane for faga legg til rette for arbeid på tvers av fag. Det er utarbeidd eigne læreplanar for døve elevar i faga norsk, engelsk, engelsk fordjuping og rytmikk - drama. Planane i teiknspråk og norsk for døve må sjåast i samanheng. Metodiske rettleiingar for ulike område og fag blir utgitt som eigne publikasjonar. L97 Samisk Det er utarbeidd eit eige læreplanverk, L97 Samisk, for å sikre ei grunnskuleopplæring for samiske elevar som tek vare på og vidareutviklar samisk språk, kultur og samfunnsliv. Lokal planlegging og tilpassing, lokalt utviklingsarbeid Læreplanverket er eit forpliktande styringsdokument for opplæringa i grunnskulen. Skulane skal planleggje og gjennomføre opplæringa innanfor ramma av læreplanverket. Arbeidet lokalt skal hjelpe til med å få god samanheng mellom det sentralt fastsette og det lokalt utforma innhaldet i opplæringa. Det skal sikre måla frå den generelle delen og byggje på prinsippa og retningslinjene for opplæringa i grunnskulen og læreplanane for faga. Lokale tilval og konkretiseringar skal utfylle og utdjupe det felles innhaldet og levandegjere og tilpasse det til røynsler og føresetnader hos elevane. Dette arbeidet krev samarbeid, og det gir rom for å vise fagleg skjønn, slik at ein sikrar den nødvendige tilpassinga. A realisere læreplanverket er ein aktiv og målretta prosess. Ut frå dei lokale tilhøva skal skulen setje i verk tiltak for å fornye verksemda i samsvar med måla og prinsippa for opplæringa. Kommunane må stimulere og oppmuntre til allsidig utviklingsarbeid. På den enkelte skulen må utviklingsarbeidet engasjere og involvere både personalet og elevane. Somme utviklingsprosjekt bør gjennomførast i samarbeid mellom alle som har medansvar for skulen i lokalmiljøet. Grunnskuleopplæring for vaksne Læreplanane "for faga skal også brukast for vaksne som ønskjer å ta grunnskuleopplæring eller som ønskjer å formalisere grunnskulekompetansen sin. Opplæringa må da tilpassast og leggjast til rette etter eigne reglar. Oslo, september 1996 Kyrkje-, utdannings- og forskingsdepartementet Reidar Sandal Statsråd

Læreplanverket 1997 s. 5 skann 7

Siter