Læreplanverket 1997, s. 66 (skann 68)

skal danne grunnlaget for ei allsidig utvikling og utfordre og stimulere både praktiske og teoretiske interesser og evner hos elevane. Ho skal medverke til at elevane utviklar ein allsidig kompetanse. Opplæringa skal vere med og utvikle gode arbeidsvanar, evne til aktiv kunnskapssøking, innsatsvilje og ei ansvarsholdning for å ta på seg og utføre arbeidsoppgåver. Elevane skal få innsikt i arbeidslivet og kunnskap om organisasjonane i arbeidslivet. Opplæringa skal førebu for aktiv deltaking i arbeids- og yrkesliv. Ho skal medverke til at elevane utviklar sjølvinnsikt og evne til å vere opne for meiningane til andre, til å vere kritiske og reflekterande og til å kunne fornye sin eigen kunnskap. Grunnleggjande kunnskapar og allmenndanning Læreplanane for faga legg vekt på at elevane utviklar grunnleggjande kunnskap, dugleik og holdningar, og at dei får del i felles referanserammer for forståing og tolking. Opplæringa skal utdjupe den kjennskapen elevane har til nasjonale og lokale tradisjonar, omfatte kunnskap om andre kulturar og fremje forståing og solidaritet på tvers av grupper og grenser. Det nordiske, europeiske og globale perspektivet må fremjast. Opplæringa skal formidle kunnskap og røynsler frå tidlegare generasjonar og markere historisk forankring og opne for at ny kunnskap kan endre den etablerte forståinga. Ho må gjere sitt til å utvikle evna hos elevane til å sjå ulike fag og fagområde i samanheng og fremje ein allsidig kompetanse. Opplæringa skal medverke til å utvikle allsidig samfunnsorientering og aktivt samfunnsengasjement. Elevane treng kunnskap om sosiale og politiske rettar og plikter og om korleis ulike organisasjonar og institusjonar fungerer. Opplæringa skal skape eit godt grunnlag for vidare læring og hjelpe elevane til å meistre arbeids-, familieog samfunnslivet i framtida ved å stimulere til å møte nye oppgåver og utfordringar på ein aktiv, konstruktiv og gjennomtenkt måte. Samarbeid og sjølvstende Læreplanane for faga legg vekt på sjølvstendig arbeid og på forståing for samarbeid mellom enkeltpersonar, grupper, folk og nasjonar. Opplæringa skal fremje demokratiske arbeidsformer og medverke til at elevane utviklar sosial dugleik. Elevane skal lære å arbeide sjølvstendig og utvikle evna til samarbeid med andre elevar og med dei vaksne i skulesamfunnet. Dei skal samverke i arbeidslag og vere med i felles planlegging, utføring, problemløysing og vurdering av oppgåver. Evna til å kommunisere skal utviklast slik at dei blir betre i stand til å uttrykkje tankar, kjensler og meiningar - og til å respektere og vurdere andre oppfatningar og motførestellingar. SIDE 66 PRINSIPP OG RETNINGSLINJER

Læreplanverket 1997 s. 66 skann 68

Siter