R76 · Kjernefag, vgs · 1992 (6. utgåve), s. 7 (skann 9)

7 Religion 1. GENERELL INFORMASJON Religion høyrer til dei felles allmenne fag i studieretning for allmenne fag, 2årige grunnkurs og vidaregåande kurs 11. Elevane kan bli fritekne frå faget slik det går fram av lov om vidaregåande opplæring, § 5 siste ledd. Faget har tre veketimar i VK II i studieretning for allmenne fag. I 2-årige grunnkurs med 3-årig løp har faget tre veketimar i påbyggingskurset. Elevane skal gjerast kjende med fagplanen. Dei kan saman med faglæraren bestemme rekkjefølgja av fagområdet, innhaldet av faget og arbeidsmåten innanfor dei grensene som fagplanen set. 2. MÅL Gjennom arbeidet med faget religion skal elevane - få auka kjennskap til og betre innsikt i det religiøse livet i verda i dag - tileigne seg ei djupare forståing av kristendommen - lære å kjenne nokre av dei konfesjonelle utformingane av kristendommen - utvikle evna til å leve seg inn i, forstå og respektere religiøse og etiske verdiar - bli konfronterte med rådande problemstillingar i dagens moral- og livssynsdebatt - få drøfta og kasta lys over sine eigne fundamentale livssynsproblem - bli stimulerte til varig interesse for og aktiv holdning til livsspørsmål og samfunnsproblem. 2.1 . Kommentarar til måla Faget religion har som særleg oppgåve å gjere det klart for elevane at det i alle religionar, konfesjonar, ideologiar og livssyn dreiar seg om ulike svar på djuptliggjande personleg-eksistensielle spørsmål og om system baserte på tru eller på (å velje) verdiar av etisk og menneskeleg natur. På denne måten vil faget kunne gjere elevane både ansvars- og verdimedvitne. I religionar, konfesjonar, ideologiar og livssyn har individa og samfunna lagt ned mange av sine djupaste røynsler om livet. I lærebøkene og i undervisninga er det viktig å leggje desse røynslene fram på ein sakleg måte ut frå eigne føresetnader, og slik at elevane får eit innsyn i det engasjementet og dei verdiane dei

R76 · Kjernefag, vgs · 1992 (6. utgåve) s. 7 skann 9

Siter