Normalplanen 1939 · landsplan, s. 70 (skann 72)

70 streva etter å firma ein samanheng som borna på dette alderssteget vandt kan skjøna. Opplæringa skal fyrst og fremst ta sikte på å føra voksteren til borna lenger fram, men ho skal 6g gjeva verkeleg kunnskap og vera grunnlaget for opplæringa i geografi, naturfag og soge seinare. 4. Når det fell naturleg og vekkjer interesse, kan ein setja opplæringa i heimstadlære i samband med såvori som borna sjølve legg merke til, — på skulen, i heimen eller i grenda. Mange ting kan ein ta inn i skulestova, men ofte lyt ein gjera turar med klassa for å sjå tinga der dei er. Slike turar kan ein skipa til med sikte på fastsette emne som ein handsamar etterpå. Men ein må aldri lata vera å nytta ut det borna sjølve har åt gått, endå om det ligg utanfor planen som er lagd. Den fyrste trafikkopplæringa høver det godt å ta i samband med slike utferder. På klasseturane må ein læra borna å verna om naturen og fara varleg fram. Einskilde born eller fleire born i lag kan få til oppgåve å gjera åtgåingar om namngjevne ting eller å ta slike ting med seg åt skulen. Borna får sjølve greia ut om det dei har sett eller samla. Læraren bør elles nytta ut aktuelle ting og hendingar når det passar inn i heimstadopplæringa og interesserer borna. Der kyrkja ikkje ligg for langt unna, bør ein ta borna med dit, gjerne til ei barnegudsteneste eller når det elles høver. Ei slik kyrkjeferd gjev emne både til ieligionstimane og til heimstadlæra. 5. Mange emne må ein arbeida med gjennom lengre tid, såleis vind, vér og temperatur, sola og måneskifta, lengda på dagane til dei ymse årstidene, tida for lauvsprett og lauvfall til dei ymse trea, blømings- og mogningstida til plantane, når insekta kjem og når dei vert borte, kva tid flyttfuglane kjem, og fer bort att o. m. På den måten kan ein gjera lærerike samanlikningar. Ofte er det mest praktisk å laga skjema til slikt arbeid. 6. Ting og tilhøve som ligg utanfor heimstaden, interesserer borna seg ofte for, og difor tek ein slike ting med når dei er til vinning for opplæringa. Ofte kan ein trenga gjera ei «snarferd» bort til næraste by eller hamn, til grannebygda eller jamvel til framande land. Når ein i 3. klassa lærer borna om kartet, kan det høva godt å ta for seg heile dalføret eller fylket. 7. Læraren kan ta med og greia ut lettskjønelege tilhøve i dyre- og voksterheimen, som t. d. verjeleten til dyr og

Normalplanen 1939 · landsplan s. 70 skann 72

Siter