Normalplanen 1939 · landsplan, s. 66 (skann 68)

IV. Heimstadlære. I. Mål. Opplæringa i heimstadlære skal vera ei hjelp for barnet så det vert ein naturleg overgang frå leiken i heimen og til den planfaste opplæringa og arbeidet i skulen, og elles har ho til mål: 1. Å læra borna å bruka sansane og med det øva dei opp til å åtgå og gjera seg kjende med verda omkring dei. 2. Å læra borna å gjeva uttrykk for åtgåingane sine med munnleg forteljing, med teikning og ymse småarbeid, og med skriftleg utgreiing. 3. Å gjeva borna kjennskap til heimbygda, serleg til naturen og arbeidslivet der, såleis at dei får eit grunnlag for opplæringa i geografi seinare og like eins for opplæringa i naturkunnskap og soge. 11. Minstekrav. 1. Borna skal få vit på skyldskapshøvet og samanhøyringa innan den næraste ætta, og på livet i heimen både helg og sykn. 2. Borna skal kjenna dei husdyra og kulturvokstrane som har mest å seia for bygda, og elles ha noko kjennskap til det andre vokster- og dyrelivet på heimstaden. «3. Borna skal få kjennskap til det viktigaste av arbeidslivet på heimstaden. 4. Heimstadlæra skal og gjeva borna noko kjennskap til grunndraga i geografien åt heimbygda og til det mest einfelte av soga hennar. I samband med dette skal borna få noko rettleiing i & bruka kart.

Normalplanen 1939 · landsplan s. 66 skann 68

Siter