Normalplanen 1939 · landsplan, s. 262 (skann 264)

262 for god skulesøkning. Nytilsette lærarar og vikarar skal han rettleia om tilhøva på skulen og hjelpa til rettes så godt han kan. 3. Han har tilsyn med at dei opplæringsplanane som gjeld skulen, vert fylgde. Når han finn det påkravt, kallar han saman styrarane og lærarane og drøfter saker som gjeld skulen. Slike møte held ein utanom opplæringstida. 4. Etter samråd med skulane utarbeider han framlegg til skulestyret om klassebytinga. Han godkjenner skulane sitt framlegg til fagbyte, time- og inspeksjonstabellar. 5. Han kjem med framlegg til skulestyret om å føra inn nye lese- og lærebøker. Han syter for at skulen nyttar dei beste og tenlegaste læremidla, skipar med å kjøpa inn og byta ut det frie skulemateriellet til skulane, og har tilsyn med at innbu og læremiddel vert forsvarleg medfarne. 6. Han skal ansa på turvande ombøter i skuleskipnad og skuleplan og skal i tilfelle koma med framlegg om såvori til skulestyret. Like eins kjem han i god tid med føreteljing til skulestyret om naudsynlege vølingar og utvidingar av skuieroma. 7. I serhøve kan han gjeva lærarar permisjon for ei tid på opptil ei veke i skuleåret mot at læraren sjølv greier utgiftene til vikar. Dersom det kan skje utan ulempe for klassa eller for skulen, kan han gjeva løyve til den nemnde permisjonen utan vikar mot at læraren skular opp att tida som er tapt. Han må ansa på å skaffa dugande vikarar når sjukdom kjem på, og når det er gjevi permisjon. 8. Med hjelp frå skulestyrarane hair han det tilsyn med opplæringa for born utanom folkeskulen som er nemnd i § 7 i skulelova. Finn han at det trengst serskilde rådgjerder for noko av desse borna, skal han etter samråding med sikulestyreformannen gjera utveg til slike rådgjerder eller leggja saka fram for skulestyret. 9. Skuleinspektøren førebur sakene som skal fram for skule- styret og syter for at arkivet til kvar tid er i orden. 10. I god tid legg han fram for skulestyret framlegg til skulebudsjett for komande budsjettår, vedlagt turvande opplysningar. 11. Han er med i drøftingane i skulestyret, men utan å røysta — , like eins i dei nemndene som skulestyret vel. Når det krevst, gjer han teneste som sekretær i nemndene og skaffar ded opplysningar som er naudsynlege for arbeidet. Etter innbjoding møter han i formannskapet og heradsstyret. I krinsmøta bør han vera med så langt råd er. 12. Han kontrollerer at budsjettet som er vedteki, vert haldi.

Normalplanen 1939 · landsplan s. 262 skann 264

Siter