Mønsterplanen 1987 · samiske fagplaner 1989, s. 84 (skann 86)

berre addojuvvot duodjeoahpus. Buot dát oasit oahpus ovddidit ohppiid estehtalaš áddejumi. Stuorát teknihkaid čađaheapmi gáibida stáđisvuođa ja hárjáneami ohppiid beales. Dan geažil ferte seaguhit lossa ja stuora dujiid ja álkit dujiid oahpaheami amas oahppit dolket bargamis. Bargovuogit Oahpahettiin berre deattuhit duddjoma mii ieš alddis sisdoallá barggu, ávnnasgeavaheami, hámi, ivnni ja hervema. Dát leat duoji oasit. Induvidualálaš erohusaide maid galga addit saji duojis danne go dát rigguda duoji. Seastin ja skihkalašvuohta lea muhtin duoji vuođđo-jurdagiin, man berre muitit. Deahálaš lea maiddái ahte fága rájiid rasttida go dakkár áššit leat maid sáhttá ovttastahttit eará fágaiguin. Dakkár bargu gáibida smiehttama ja pláne ma oahpaheddjiid gaskkas. Muhto ohppiide lea hirbmat deahálaš oaidnit fágalaš oktavuođaid. Vaikko duodji lea dávjá dakkár doaibma maid okto bargá, de almmat ge sáhttá muhtomin erenoamažit stuorát bargguid čađahit joavkkuin. Sihke fágalaččat ja sosiálaččat sáhttá dakkár vuohki leat ávkkálaš. Árvvoštallamis berre oahpaheaddji ohppiiguin gávnnahit maid sii leat fuomášan, oahppan ja muosáhan. Veardádallamis berre earret eará deattuhit: - persovnnalaš erenomašvuođa - estehtalaš beali - mii lea geavahuvvon ja mo lea oktii biddjon - gieđalašvuođa ja bargočehppodaga - jurdagat ja dovddut fága ektui Lanjat, veahkkegaskaoamit ja oahpponeavvut Skuvllain galget bargolanjat gos leat veahkkegaskaoamit ja duodjebiergasat mat dárbbašuvvojit duodjái. Lanjain berre sadji ohppiide čájehit bargguideaset ja sadji smávit duodječájáhusáide. Galget gávdnot oahppogirjjit ja veahkkegirjjit mas duojit čilgejuvvojit ja govviduvvojit. Maiddái filmmat, čuovgagovat jna. leat mávssolaš veahkkegaskaoamit. Deahálaš lea ahte skuvllain leat buorit ávnnaslanjat gos iešguđet lágan ávdnasiid sáhttá vurket. Bargolanjaid ferte ráhkadit dan láhkái ahte gáhtte dearvašvuođa. Váldobarggut ja oassebarggut SÁRGUN, IVDNEN, HERVEN Dan váldobarggus galggašii ohppiide oahpahit sárguma ja govvateknihkaid. Ivdnemii lea biddjon ollu deaddu juohke luohkás. Dáiddafuomašupmi ja bargu dáiddain lea deahálaš oassi sihke gaskaoahpmin dasa ahte movttidahttit ohppiid jurddagovvidusa ja dasa ahte oahppit ohppet gáhttet sámi kulturvieruid. 84

Mønsterplanen 1987 · samiske fagplaner 1989 s. 84 skann 86

Siter