Mønsterplanen 1987 · samiske fagplaner 1989, s. 68 (skann 70)

KAPIHTAL 6 MUSIHKKA Sámi musihkkaoahpahus vuolgá das ahte buot olbmot sáhttet vuostáiváldit musihka ja ahte alddiset lea dárbu hápmet musihka, ja ovdanbuktit dovddiud ja jurdagiid musihka bokte. Musihkka lea gáldu muosáhussii, leažžat dal guldaleamen dahje ieža čuojaheamen, dahje lávlumin, go leat okto dahje ovttas earáiguin, friddjaáiggis, bearrašiiin, skuvllas dahje bargosajis, ja muđui servvodagas. Ollilaš musihkkaoahpahus bijašii vuođu man mielde áddešii mo ja manin musihkka geavahuvvo, ja daidda geavahusaide mat das leamaš sierra áiggiin, servvodagain ja kultuvrrain, nu go ovdamearkka dihte musihkka geavahuvvon gulahallan gaskaoapmin dahje sosiálalaš ja politihkalaš doaibma gaskaoapmin. Dat maiddái láide čiegnalit áddejupmái sámi musihkka hárrái, ja makkár fuŋkšuvdna dán musihkas lea mii hábme musihkalaš muosáhusaid, oskku dovddiud, sosiálalaš oktavuođa ja sápmelaš iešdovddu. Dán dábálaš ja moanakultuvrralaš peršpektiivva buktá sámi musihkkaoahpahus ovdan go bargu musihkain sisttisdoallá sihke sámi, Norgga riika, davviriikkaid ja oarje-europa musihkkakultuvrra, dan seammás go maiddái eará musihkkakultuvrrat guoskkahuvvojit. Oahpahus almmolaš musihkas ja etnomusihkas váikkuha nuoraid mánggakultuvrralaš oainnu, mii galggašii leat lunddolaš sámi musihkkaoahpahusas. Ulbmil Sámi musihkkaoahpahusa ulbmilat leat: – ovddidit dáiddu muosáhussii ja hábmemii, ja árvvuštallat ja árvvus atnit musihkka – addit vuđđo musihkkadieđuid – addit áddejumi ja ipmárdusa mo musihkka geavahuvvo daid sierralaš sosiálalaš, kultuvrralaš ja historjjálaš oktavuođain – ovddidit olmmošlaš ovdaneami ja čájehit mo musihkka sáhttá gaskkustit ustiivuođa, čálggu ja oktavuođadovddu. 68

Mønsterplanen 1987 · samiske fagplaner 1989 s. 68 skann 70

Siter