Mønsterplanen 1987 · samiske fagplaner 1989, s. 61 (skann 63)

Mii ieža - min máilbmi: Eallindilálašvuohta, gullevašvuohta, ilut ja váivvit, váikkuhanfápmu. Mánnávuodas nuorravuhtii: Ovdáneapmi. Ovddasvástádus, vuoigatvuođat ja geatnegasvuođat. Mánáid illásteapmi (incest). Dearvvašvuohta. HIV-njoammun, AIDS. Váttisvuođat gárihuhttinmirkkuiguin. Johtolatsuodjalus. Earáid vuordámušat nuoraide ja nuoraid kultuvrra: Sámiservvodagas, Norggas, eará kultuvrrain, iešguđetge áiggis. Váttisvuođat mat gusket iešdovdui, makkár gáibádusat ja vuordámušat earáin leat. Gaskavuohta earáide iešguđet agis: Oktavuohta ja erohusat buolvvaid gaskkas, ustitvuohta. Servvodaga vuordámušat movt nissonolbmoš ja dievdoolbmoš galgaba leat. Ovttadássásašvuohta nissoniid ja dievdoolbmuid gaskkas, seksualitehta. Rávasnuvvat: Hástalusat ja vejolašvuođat boahtteáiggis. Oahppu ja virgi, bargovejolašvuođat ja friddjaáigi. Boarisvuohta. LUONDU, OLBMOT JA LUONDDURIGGODAGAT Váldobargu galgá addit ohppiide dieđuid movt máilbmi lea šaddan ja movt dat lea ovdánan, ja man ala olbmot vuođđudit iežaset eallima ja doaimmaid. Lea deahálaš ahte oahppit oidnet oktavuođaid; vuos proseassain luonddus ja manin iešguđet ge guovllu eanan lea dakkár go lea, ja nuppedáfus fas eallima vuođus ja eallindilálašvuođain. Dán sáhttá govvidi ovdamearkkaiguin sihke min iežamet guovllus, ja eará riikkain ja guovlluin. Guovddážis oahpaheamis galgá leat movt olbmuid doaimmat sáhttet luonddu rievdadit, ja ahte dakkár rievdadusat sáhttet váikkuhit luođu dilálašvuhtii. Oahppit galget dovddiidit iešguđetlágan luondduriggodagaid ja daid geavaheami. Oahppit berrejit maid oahppat movt luondduriggodagaid geavaheapmi ja olbmo eallin gullaba oktii ovttalágan birrasiin ja iešguđet riikkain ja guovlluin. Oktavuohta gaskkal luondduriggodagaid geavaheami ja olmmošlogu njiedjama dahje laskama galgá maid guorahallojuvvot. Dán oktavuođas ferte geahččat movt teknologalaš ovdáneapmi ja luondduriggodagaid geavaheami nuppástuvvan sáhttá rievdadit iešguđetlágan servvodagaid. Bargu galgá fuomášahhttit ahte luondduriggodagat leat oba min birrasa ja min eallinvuogi vuođđu, ja oahppit galget beroštišgoahtit ja oaidnit ovddasvástádusa hálddašit ja geavahit luondduriggodagaid jierpmálaččat ja vuoiggalaččat. Lea maid deahálaš fuomášahhttit sin ahte lea mávssolaš beassat luonddus vádjolit. Dán bokte sii galget oažžut ipmárdusa man deahálaš lea ovddidit luonddu - ja birasgáhttenbarggu. Máilbmi ja univearsa: Univearsa, movt máilbmi lea šaddan ja mas lea ráhkaduvvon ja movt lea ovdánan. Dovddiidit universsa - vejolašvuođat ja váikkuhusat. Eatnamiid ja luonddu ovdáneapmi: Proseassat ja luonddu geardumat. Dálkkit, dálkádagat ja šaddoguovllut. Luondduvuođđu, eallineavttut ja eallindilli. Eatnama rievdadeapmi luonddudilis gilvojuvvon eatnamiin. Luondduriggodagat ja daid geavaheapmi: Luonddu- ja kulturriggodagat. Riggodagaid geavaheapmi ja eallinvuogit. Iešbirgejupmi ja biebmogálvobuvttadus. Olmmošlogu lassáneapmi, olmmošlogu njiedjan ja riggodagaid geavaheapmi. Olmmoš oassin ekologias. Riggodagaid geavaheapmi ja servvodaga ovdáneapmi: Teknologia, riggodagaid 61

Mønsterplanen 1987 · samiske fagplaner 1989 s. 61 skann 63

Siter