Mønsterplanen 1987 · samiske fagplaner 1989, s. 59 (skann 61)

Árvvoštallamii berre gullat olles oahppoproseassa. Oahpaheaddji galgá earet máhtu, árvvoštallat oahppi bargonávccaid ja movt son sealgá geavahit bargovugiid ja searvat bargoproseassaide. Oahppit galget hárjánit árvvoštallat sihke bargoproseassaid ja bargobohtosiid. Váldobarggut ja oassebarggut GUORAHALLAT SERVVOÐAGA Servvodatfága oahpaheapmi galggašii nannet ohppiid návccaid vai buorebut máhttigohtet guorahallat ja ipmirdit buot dan mii dáhpáhuvvá luonddus, kultuvrras ja servvodagas. Bargoproseassat fertejit heivehuvvot ohppiide, ja veahkehit sin beroštit fágas vai dat maid sii iežá barget šaddá deahálaš veahkkin oahppamis. Bargoproseassat galget maiddái leat veahkkin ovddidit sin jurddašan- ja bargodábiid nu ahte sii ohppet oahppat, ja ieža máhttigohtet ohcat ođđa oahpu. Proseassaid bokte galget oahppit oažžut ipmárdusa servvotgažaldagain, ja oahppat movt daid sáhttá guorahallat ja čoavdit. Oahppit galget beassat hárjanit oaidnit váttisvuođaid ollislaččat ja iešguđet ládje čohkket dieđuid, bargat daiguin, árvvoštallat ja hupmat daid birra. Bargoproseassain leat mánga dási maiddá galgá seamma ollu deaddu biddjot: sihke plánen, čađaheapmi ja loahppabargu, ja oahppit galget hárjánit árvvoštallat sihke bohtosiid ja bargovugiid. Iešguđet lágan bargoproseassat leat čohkkejuvvon sierra váldobargun čájehit ahte dain galgá leat guovddáš sadji fágas. Bargovuogit ja proseassat galget leat mielde eará váldobargguin ja oassebargguin, gokko lea lunddolaš daid heivehit praktihkalaš oahpahussii. Ohcat, čohkket, gieđahallat, árvvoštallat ja ovdanbuktit dieđuid: Geavahit iešguđet lágan veahkkeávdnasiid ja gálduid: girjjálašvuođa, diehtojuohkingirjjiid, girjerádjosa, EDB:a, mediaid. Historjjálaš gáldot. Áicamat, gažadeamit, álkis jearahallanšemát. Rapporttat, čájáhusat. Bidjat ja geavahit modeallaid, govaid, teŋnegiid, kárttaid, diagrámmaid, stahtistihka. Guorahallat báikkálaš servvodaga: Mátkkoštit mehciin ja guorahallat dan maid doppe fuobmájit ja maid gávdnet. Báikkálaš historjá. Geavahit váhnemiid veahkkin ja bagadallin. Geavahit daid vejolašvuođaid mat gávdnojit go galgá leat mielde mearrideame ja váikkuheame: Váldit oktavuođa almmolaš ja priváhta kántuvrraiguin ja orgánaiguin. Oahppat geavahit vuoigatvuođaid (vuoigatvuođa buktit cealkámuša, oaivila, váidalanvuoigatvuođa). Hárjehallat divvut ovdán ovtta ášši, leat mielde mearridanproseassas. Čielggadit sániid, čilget, árvvoštallat ja čoavdit váttisvuođaid: Makkárat leat váttisvuođat, nárjehallat iskat, dulkot, ipmirdit ja čilget, oaidnit ollislašvuođa ja osiid, oktavuođaid ja erohusaid, eavttuid ja bohtosiid, duohtavuođa ja árvvoštallama, veardidit vejolašvuođaid ja čovdosiid ja máhttit válljet. OLMMOŠ, BEARAŠ, JOAVKU JA BÁIKKÁLAŠ SERVVOÐAT Dát váldobargu galgá veahkehit ohppiid ipmirdit man láhkai bearaš, báikkálaš servvodat ja álgoálbmogii gullevášvuohta váikkuhit olbmo eallindilálašvuhtii ja eallimii ovddasguvlui, ja leat mávssolaččat olbmo iešdovddu ja gullevasvuođadovddu ovdáneapmái. 59

Mønsterplanen 1987 · samiske fagplaner 1989 s. 59 skann 61

Siter