Mønsterplanen 1987 · samiske fagplaner 1989, s. 35 (skann 37)

KAPIHTAL 3 ENGELASGIELLA Engelasgielaoahppu addá olbmuide smávva giellaservvodagain vejolašvuođaid oažžut oktavuođa eará riikkaid olbmuiguin. Diekkár oktavuohta lea fápmun sihke alcces olbmui ja maiddái olles servvodahkii. Mii sáhttit juohkit dieđuid ja fuomášumiid, ja dovddiidit daiguin guovlluiguin gos dat giella geavahuvvo. Čađat lea dárbu eanet ja eanet máhttit engelasgiela, barggus, go oahpu lea váldime ja maid friddjaáiggis. Norga, ja nu maid sámi álbmot Norggas, lea gaskkariikkalaš ovttasbargguin, gávppašemiin ja johtolagain mielde. Ja go diekkár oktavuođaide galgá searvat, lea engelasgielmáhttu stuora ávkin. Ulbmil Engelasgiela oahpaheapmi galgá: - ovddidit ohppiid návccaid guldalit, hupmat, lohkat ja čállit dán giela nu ahte sii sáhttet gulahallat dainna ja dustet geavahit giela - buoridit beroštumi oahppat amasgielaid, oahpahit illudit giellamáhtu dihtii ja addit ohppiide buoremus vuođu man ala viidásit oahpu huksejit - oažžut ohppiid ipmirdit ahte engelasgiella lea veahkkeneavvu mii sáhttá sidjiide addit mávssolaš oahpu ja vásihusaid, ja mii maid dahká vejolažžan buorebut ja njuolga oažžut dieđuid eará riikkaid olbmuid ja servvodatdiliid birra - veahkehit ohppiid ipmirdit ja buorrindohkkehit váttisvuođaid maiguin juohke okta deaivvada go galgá geavahit giela mii ii leat su eatnigiella Vuođđoskuvllas lea engelasgiella gulahallanfága, fága gos sáhttá feara maid vásihit ja maid máhttinfága. Oahppit galget beassat geavahit giela ságastallat earáiguin sihke siskkobealde ja olggobealde skuvlla. Engelasgielmáhttu rahpá sidjiide vejolašvuođaid geahččaladdat ja vásihit feara maid, sihke oktonassii ja earáiguin ovttas, ja veahkeha sin čoaggit dieđuid. Ohppiin leat iešguđet lágan návccat oahppat amasgiela. 35

Mønsterplanen 1987 · samiske fagplaner 1989 s. 35 skann 37

Siter