Mønsterplanen 1985 · nynorsk, s. 86 (skann 88)

KAPITTEL 15 KLASSE- OG ELEVRÅDSARBEID Elevane må få vere aktivt med i utforminga av sin eigen arbeidssituasjon. Klasseog elevrådsarbeidet spelar ei viktig rolle i denne samanhengen. Kunnskap om demokratiske arbeidsmåtar og avgjerdsprosessar må verte utfylt med praktiske røynsler og opplevingar, med sikte på at elevane skal ha reell medverknad og reelt medansvar. Mål Klasse- og elevrådsarbeidet skal ta sikte på å hjelpe elevane til å gje uttrykk for eigne synspunkt og meiningar, slik at dei kan vere aktivt med i fellesskapet å lære elevane å vere med i og ta ansvar for arbeid og sosiale aktivitetar i klasseog skolemiljøet - å gje elevane høve til deltaking, medstyring og medansvar i skolesamfunnet - å stimulere elevane til å ta demokratiske avgjerder og ta ansvar for dei Rammer og organisering Arbeid med klasse- og skolemiljøet og opplæring til demokratisk samarbeid må gå inn som ledd i alle skoleaktivitetar. Her vil det vere snakk om å skape haldningar hjå alle som er med i samarbeidet. Gjennom føresegner i grunnskolelova er det skapt ytre vilkår for at alle grupper som er knytte til skolen, kan få medinnverknad. Kunnskap om demokratiske arbeidsmåtar er tema mellom anna i norsk, orienteringsfag og samfunnsfag. Klasse- og elevrådsarbeidet tek sikte på praktisk trening med desse arbeidsmåtane. Tidsramma på ungdomssteget skal brukast til klasserådsarbeid. Aktivitetane

Mønsterplanen 1985 · nynorsk s. 86 skann 88

Siter