Mønsterplanen 1985 · nynorsk, s. 84 (skann 86)

aktivt med i planleggingsarbeidet saman med lærarar, foreldre og andre. Praktisk, sosialt og kulturelt arbeid bør utviklast til å verte arbeidsform i alle fag. Alle lærarane har derfor medansvar for planlegging og gjennomføring. Uformell vurdering må vere ein gjennomgåande og viktig del av prosessen. Elevane må få trening i å oppsummere og dømme om haldningar, dugleik og kunnskapar dei har fått. Dei må og lære å verdsetje eigen innsats og vurdere kva arbeidet deira kan ha å seie for andre. Det er naturleg å trekkje samarbeidspartnerane til skolen med i vurderinga. Døme på arbeidsoppgåver Døma nedanfor er meinte som eit idétilfang som skolane kan nytte etter behov. Dei fleste av dei arbeidsoppgåvene som er omtala, har tilknyting til ein eller fleire fagplanar, og kan derfor med fordel brukast i tverrfaglege undervisningsopplegg. Det er vist til fagplanar under kvart av døma. Arbeid med fellesskapet i skolen Den einskilde klassen og skolen: tilstellingar, hyggjesamvære, morgonsamlingar, fellesaktivitetar på tvers av klassesteg. Fadderordningar. Tiltak for fyrsteklassingar og for nye elevar. Tilskipingar der elevar og foreldre er saman. Aktivitetar i friminutta og eventuelle midttimar. Jf. mellom anna kristendomskunnskap og orienteringsfag. Oppgåver med å ta vare på skoleanlegget Enkle vedlikehaldsoppgåver ute og inne, utsmykkingsoppgåver på skolen, ansvar for plantar og akvarium i klasserom og fellesområde, ordensoppgåver, bibliotekteneste, småreparasjonar, utforming av skolegard og leikeområde. Jf. mellom anna forming. Kartlegging av læringsvilkår i nærmiljøet og lokalsamfunnet Kartlegging av aktuelle ekskursjonsmål og område for feltarbeid, naturstigar, orienteringsløyper, ski- og trimløyper. Kartlegging av kunnskapskjelder: arbeidsplassar, kultur- og samfunnsinstitusjonar, menneske. Jf. mellom anna orienteringsfag, naturfag og samfunnsfag. Nærmiljøoppgåver Undersøking av behov og arbeidsoppgåver; deltaking i felles praktiske tiltak i lokalmiljøet, arbeidsfellesskap. Samarbeid med kommunale etatar: bustadplanlegging, planlegging av friluftsområde, fritidstiltak, miljøverntiltak. Arbeid med trimløyper, skibakkar, idrettsanlegg. Kontakt og samarbeid med kristne og humanitære organisasjonar: misjon, utviklingshjelp, innsamlingsaksjonar, fjernadopsjon. Jf. mellom anna kristendomskunnskap, kroppsøving, heimkunnskap, orienteringsfag, naturfag og samfunnsfag. Arbeidslivsrøynsle Vitjing på ulike arbeidsplassar, deltaking i praktiske arbeidsoppgåver, arbeid saman med vaksne. Prosjektarbeid i tilknyting til arbeidslivet på heimstaden. Kontakt og samarbeid med bedrifter og samfunnsinstitusjonar. Undersøkingar

Mønsterplanen 1985 · nynorsk s. 84 skann 86

Siter