Mønsterplanen 1985 · nynorsk, s. 213 (skann 215)

213 Bruk av lokalsamfunnet som læringsressurs: Ekskursjonar og feltstudium. Lokalhistorie. Lokalgeografi. Foreldra som samarbeidspartner. Bruk av mogleg medstyring og innverknad: Kjennskap til bruk av rettar (fråsegns-, innsyns- og klagerett 0.a.). Øving i å fremje ei sak, deltaking i avgjerdsprosessar. Kontakt med offentlege og private kontor og organ. A vklaring av omgrep, definering og vurdering av problem, problemløysing: Forme ut problemstillingar, øving i å undersøkje, analysere, tolke, forstå og forklare, sjå etter heilskapar og delar, samanhengar og motsetningar, føresetnader og konklusjonar, faktum og vurderingar, vurdere alternativ og løysingar og gjere val. INDIVID, FAMILIE OG SAMFUNN Arbeidet med dette hovudemnet må hjelpe elevane til å forstå korleis familie og samfunn verkar på livssituasjonen til einskildmennesket, og får noko å seie for identitetsutvikling og tilhøyrskjensle. Livsformer og tradisjonar som har prega familien i ulike tider og kulturar, bør dragast fram. Elevane må få innsikt i endringar i familiestruktur og -funksjonar, og i familieroller og samlivsformer. Spørsmål kring kjønnsroller og jamstelling må få brei plass. Delemnet om familien bør setjast i samanheng med lærestoff i heimkunnskap og kristendomskunnskap. Spørsmål som er knytte til ungdomstida og livssituasjonen for dei unge, høyrer inn under dette hovudemnet. Ein må freiste å kaste lys over problemstillingar ut frå røynsleverda til elevane. Dermed kan elevane få ei meir medviten haldning til seg sjølv, si eiga utvikling og omgjevnadene sine. Overgangen frå barndom til ungdom, samlivsspørsmål, kjønnsroller og jamstelling er sentrale tema. For å gje dei unge perspektiv på sin eigen livssituasjon bør ein syne korleis det var å vere ung i tidlegare tider, og korleis ungdom i andre delar av verda har det i dag. Ein må freiste å skape innsikt i korleis livssituasjonen for kvar einskild vert påverka av andre, og korleis sosiale roller som knyter seg til det å vere ung, er del av kulturen vår. Ein bør drøfte med elevane dei utfordringane og sjansane framtida gjev, og korleis dei kan vere med og påverke framtida for seg sjølv og medmenneske. Innanfor dette hovudemnet bør ein og behandle ulike sider både ved lokalsamfunnet til elevane og ved lokalsamfunnet som generell kategori. Ein bør sjå nærare på faktorar som verkar inn på utforminga av eit lokalsamfunn, og samanlikne med lokalsamfunn i tidlegare tider og i andre land. Det skal hjelpe elevane til å forstå kva eit samfunn og ein kultur er. Ved å studere dei ideane, verdiane og normene som pregar ulike kulturar, kan ein forstå framande kulturar ut frå deira eige verdigrunnlag, og få syn for samanhengen mellom kultur og identitet. Slik kan elevane og få innsyn i likskapar og variasjonar mellom ulike kulturar. Einskildmenneske, kulturell samanheng og sosialisering: Oppvekstmiljø. Sosiale normer og roller. Sosialt nettverk. Identitet og tilhøyrsel. Å vere ung. Ungdomsroller og ungdomskulturar. Frå barndom til ungdom: Utvikling. Ansvar, rettar og plikter. Generasjonskontakt, vennskap.lCjønnsroller og jamstelling, seksualitet. Helse. Rusgiftsproblem. Trafikktryggleik. Sjansar og utfordringar i framtida: Utdanning og yrke, arbeidsvilkår og fritid. Å verte vaksen. Alderdom. Familie og kulturelle variasjonar: Livsgrunnlag, livsformer og tradisjonar. Familien

Mønsterplanen 1985 · nynorsk s. 213 skann 215

Funn på siden 4

Siter