Mønsterplanen 1974 · nynorsk, s. 188 (skann 190)

188 LÆREMIDDEL Ved sida av lærebøker må skolen ha geografiske og historiske lesebøker, geografisk og historisk atlas, geografisk, historisk og samfunnsaktuell utfyllande lesnad, statistiske publikasjonar, aviser, vekeblad, turistbrosjyrar, informasjonstrykk frå bedrifter, organisasjonar og styremakter og frå utsendingane til framande statar. I alle tre fagdisiplinar er det behov for rikelege arkiv med bilete som høver til lærestoffet og læremidla elles. Det er også behov for lydmateriell som kan illustrere og levandegjere tekst og bilete. Småbiletprosjektør, spegelprosjektør, lydbandspelar, filmframvisar 0.1. må vere lett tilgjengelege. I geografi er det særleg bruk for moderne veggkart og globusar, sett av topografiske kartblad over heimstaden, prøver av varer, berg- og jordarter 0.1. Film, skolekringkastings- og skolefjernsynsprogram og reproduksjonar av kunstverk er verdfulle læremiddel i samfunnsfag. Det same gjeld innspela talar, kjende røyster, historiske og notidige hendingar på band. Song og musikkinnspelingar av nasjonal karakter er godt illustrasjonsmateriale. I samfunnskunnskap er det bruk for formularar, blankettar, aviser, aktuelle filmar og skolekringkastings- og skolefjernsynsprogram. Det er nyttig med ei lærarrettleiing for undervisninga om dei lokale samfunnsforholda. Læraren bør ha lett tilgjenge til eit kartotek over verksemder og sosiale institusjonar på staden. Vi viser elles til kapitlet om læremiddel i den generelle delen av læreplanen. VURDERING Ved vurderinga skal ein følgje dei retningslinjene som er gjevne i kapitlet Vurdering i den generelle delen av mønsterplanen. Vurderinga tek utgangspunkt i skolen si generelle målsetjing, faget si spesielle målsetjing og eleven sine føresetnader på fagområdet, og ein må ta omsyn til dei undervisningsmetodane og arbeidsformene som er nytta. Ved vurdering av eleven si arbeidsevne i eit fag må ein ta omsyn til eleven sitt kjennskap til og dugleik i å utnytte faget sine hjelpemiddel, evne til sjølvstendig arbeid og til arbeid i grupper. Det er ikkje nok at læraren vurderer elevane sin arbeidsmåte og resultata av arbeidet deira, like viktig er det at elevane får øving i sjølv å vurdere. Den einskilde eleven sitt arbeid må vurderast med jamne mellomrom, både for å stimulere interessa for faget og for å gje rettleiing for vidare arbeid. Eit avslutta arbeid må vurderast snarast mogeleg. For samfunnsfag bør det leggjast større vekt på oversikt enn på detaljkunnskapar. Ved vurderinga må ein ta med arbeidsbøker og resultat av gruppearbeid.

Mønsterplanen 1974 · nynorsk s. 188 skann 190

Funn på siden 5

Siter