Mønsterplanen 1974 · nynorsk, s. 9 (skann 11)

Oppgåva til grunnskolen I lov om grunnskolen av 13. juni 1969 har formålsparagrafen fått denne ordlyden : «Grunnskolen skal i forståing og samarbeid med heimen hjelpe til med å gje elevane ei kristen og moralsk oppseding, utvikle deira evner, åndeleg og kroppsleg, og gje dei god allmennkunnskap så dei kan bli gagnlege og sjølvstendige menneske i heim og samfunn. Skolen skal fremje åndsfridom og toleranse, og leggje vinn på å skape gode samarbeidsformer mellom lærarar og elevar og mellom skole og heim.» Målet for skolen. Lov om grunnskolen seier at mønsterplanen skal gje ei nærmare utforming av dei mål som er sette for skolen. Måla for dei einskilde faga og faggruppene finn ein i fagplanane. For skolen i det heile gjeld visse overordna mål. Slike mål peikar til dels ut over arbeidet med dei einskilde faga. Skolen har på denne måten fått ei total oppgåve som byggjer både på visse grunnleggjande meiningar om oppseding og undervisning og på den funksjon og plass ein vil at skolen skal ha i den samanhengen. Individ, heim og samfunn. Grunnskolen står sentralt i tilhøvet mellom individ, heim og samfunn. Skolen skal fremme individuell vokster og utfalding, han skal stø heimen i oppsedinga av ein ny generasjon, og han skal tene samfunnsinteressene ved å setje den oppveksande slekta i stand til å ta aktivt, sosialt ansvar både lokalt, nasjonalt og globalt. Tilhøvet mellom heim og skole. Etter formålsparagrafen er det heimen som har hovudansvaret for oppseding og undervisning. Når barna tek til på skolen, er grunnleggjande drag i karakter og personlegdom alt utvikla under påverknad frå heimen. Etter at barna har vorte elevar i grunnskolen, har heimen framleis avgjerande innverknad på vokster og læring. Heimen er likevel ikkje aleine om ansvaret. Grunnskolen skal hjelpe til, og det skal han gjere i forståing og samarbeid med heimen. Skole og heim må derfor stå i kontakt med kvarandre. Begge partar må vere villige til det, og begge partar må gjere noko for at det skal skje. Det er viktig at skolen så snart som mogeleg får kontakt med heimen til elevane. At ein lærar får personleg kontakt med foreldra eller dei føresette til ein elev, kan i mange tilfelle vere heilt naudsynt om han skal kunne kjenne og forstå eleven og dermed vere i stand til å hjelpe heimen. Læraren treng opplysningar både om oppveksten og bakgrunn- Skolen og kontakten med heimen.

Mønsterplanen 1974 · nynorsk s. 9 skann 11

Siter