Det samiske læreplanverket 1997 (L97S), skann 148

ja lågåtjit ja vaddå åvddånbuktem måhtukvuodav. Såmegiella 1 tjehpudakfåhka. Diedo rna juogeduvvi ja dådjaduvvi li båjnnum ja tjanådum dat aktijvuodas mij la dalloj gå da vatteduvvi. Tæksta 1 båjnnum aktijvuodas. Muhttijn dættodip dav mij dårkelappot tjielggiduvvå, muhttijn vas tjielgga ja njuolgga gielav, ja ietjå bale vas dav gielav majt måhttå dådjadit moattelåhkåj, ja vil dav massta åvduhip ja åjådallap. Jus gielav galggå vuohkasijt adnet, de viertti mielastuvvat bågojda, dåbddåt dajt åjådusåjt majt da båkti, ja oahpåsmuvvat giela våjkkudimnævojda, subtsastimdåbijda ja girjålasjvuohtaj. Gå sågastip de håbmidip ja nannip bågoj rievtes dådjadusåv rumåjgielajn, dagu moalgedimijn, ja gåktu rubmahijn iktep, måjudallap, lahpam jali ganjåltjalmij. Gielalasj vddånbuktema måhtti aj tjanåduvvat ietjå åvdånbuktem håmijda dagu juojggamij ja gåvåjda. Giella 1 våjkkudimnævvon ulmutjij gaskan, ja iednegiella åvddån gå iehtjådij sæbråstallap. Giella boahtå doajmmaj ulmutjij gaskan gå juojddåv aktan dahki. Båhko gulådallat (kommuniserit) boahtå låtijna bågos «communicare», mij sihtå javllat «aktan dahkat». Mijån hæhttuji liehket aktisasj buojkuldagå ja dådjaduså jus galggap juojddåv åvddånbuktet ja jus galggap guojmema dådjadit. Skåvllå viertti liehket manen vaddemin oahppijda oasev same aktisasjårbes, dajna vuojnujn ja håsstalusåjn mij dahkå juohkkahattjav mijås same sebrudagå mihås ja gåhtsevasj viesådin. Ådå teknologija 1 buktåm ådå gulådallamhåmijt. Tjållem, hållam, jiedna ja gåvvå li åvtåstahtedum diededimteknologijan. Dåt bukta ådå gulådallam ja diehtoåsadim håmijt. lednegiela åhpadusån vierttiji oahppe hårjjånit låjttålisåt ja dåjmalattjat adnuj vålldet diehtojuohkemteknologijav. Barggovuoge fågan Barggo fågan galggå åsadit aktisasj årvvo-, kultuvrra- ja måhtudakvuodov mij guosskå divna oahppijda. Åhpadusån galggi oahppe vdedit åvov buorre hame, subtsastime ja diededime baktu, ja liehket miellusa moallånagåjda ja bågojda, ja åvdedit måhtukvuodav vuogas, dårkkelis ja moattelågåsj åvddånbuktemij. Oahppe galggi moattelågåsj barggovuogij milta oadtjot tsådallamijt pråktijkalasj dahkamusåjda ja dåjmajda rna bukti ållesvuodav ja aktijvuodav åhpadusån. Smavvaskåvllådåsen galggå liehket målssom ståhkamij ja ietjå vddånim dåjmaj gaskan. Åhpadus galggå arvusmahttet ståhkamav, ja ståhkam galggå vas arvusmahttet oahppamav. Åhpadusån la åjnas berustit månåj diehtem- jadiehtovåjnov. Oahppe galggi ståhkusij, rollaståhkusij ja temåorgåniseridum åhpaduså baktu åvdedit ietjasa njålmålasj gielav ja båhkoboanndudagåv. Tjålalasj dåjmajda ålggi dårbo milta. Gasskadåsen hæhttu skåvllå åsadit barggodahkamusåjt ja barggovuogijt rna berusti ja åvdedi oahppij mielav ja vaddåsijt bargatjit guhkep åjgev - aktu ja aktan iehtjådij. Oahppe galggi hårjjånit guhkep BIELLE 146 SÅMEGIELLA VUOSTASJ GIELLAN

Det samiske læreplanverket 1997 (L97S) skann 148 skann 148

Siter