Det samiske læreplanverket 1997 (L97S), skann 147

ÅLGGO Faga sadje skåvlån Giella 1 ulmutjij oajvemus dåbddåmærkka, juohkka sebrudagå dåbddåmærkka ja oasse juohkka ulmutja vuoges. Giella måhttå aj liehket juohkka åvtå sebrudagå histåvrålasj duodastussan. Giella ja bågo li aktelattjat rievddama vuolen gå juohkka buolvva bukta ådå bågojt. Ij aktak tjåle jalik såhkada åvtålåhkåj iellemåjgenis. Giellaåvddånibme tjuovvu ulmutja ietjas åvddånimev. Giella åvddån gå iehtjådij sæbråstallap. Såmegiella 1 oasse iesjdåbdos. Bågo ælla dåssju guoros buojkuldagå. Bågo måhtti rievddadit dåbdojt ja mielav. Bågo måhtti suhttadit jali åvvudahttet, tjångedahttet jali hådjånahttet. Subttsasa, girjålasjvuohta ja diktim ælla dåssju låhkusa, valla aj åhpadus, danen gå mij boahtep duon dån dillåj, iellemdilijda ja vålljimijda rna måhtti våjkkudit iesj genga ulmutja luondov. Subtsastimdåbe, låhkåm ja girjålasjvuohta måhttå tjadnat same sebrudagåv aktij. Såmegiella 1 tjanådum dåbdojda ja åtsådallamjjda. Giella, subtsastimdåbe, girjålasjvuohta ja histåvrrå li aktisasj årvo rna tjuovvu ulmutjijt buolvas buolvvaj. Låhkåm- ja tjållemtjehpudahka ij la dåssju dådjadit bokståvav jali bågov, valla dådjadit ållesvuodav ja småvep iktemijt. «Sårne gåjkkåsasj ulmusjdåbe» buojkuldagå sisanon la ækton åtsådallama galggi liehket aktisattja ja gåjkkåsattja, ja vierttiji liehket dåjmalattjat åmastum. Sårne skåvlån viertti liehket dakkår vuodo mij vuoset åvdep jgijda, dan diehti våj e sjatta sosiålalasj sieraduså, ja vaj tjadnå ulmutjijt aktij sårne sebrudagån. Gå åvdedip jasska iesjdåbdov ja kultuvralasj uvsajt rahpap iehtjådijda, de dåt måhttå vaddet midjij tjiegiialap dådjadusåv ietjama kultuvras ja viehkedit mijåv dådjadittjat makkar årvvo 1 kultuvran iehtjådijda, ulmusjtjerdajda ja rijkajda. Såmegiella 1 bajdsgiessemfåhka. Skåvllå galggå oahppijt åhpadit vuodotemåj birra masi aktelattjat vuoseduvvi ietjasa båjkålasj kultuvran, nåsjonålalasj kultuvran ja mafienagi rijkajgasskasasj kultuvran. Då tema li vijddåsa. Girjålasjvuoda vålljim viertti sjaddat guolme milta, valla galggå liehket aktisasj, ja måhttå åhpadiddjijs ja oahppijs duoddiduvvat båjkålasj lasådusåj ja båjkålasj åsij. Tækstatjuolldemin viertti åvtåbåle tjielggasit åvddånboahtet juhte giella ja buojkuldagå rna gielan li ådåstuvvi aktelattjat, ij dåssju nåsjonålalasj kultuvra våjkkudimij ja ådå teknihkalasj åvddånime baktu, valla aj nuoraj ietjasa moalgedimij ja giela baktu. Såmegiella 1 kultuvrrafdhka. Juohkka gielan li logihkka- ja årgumentåsjåvnnå-, dålkkum- ja dådjadusnjuolgaduså, rna li vuodon åjådallamvuogijda ja sæbråstallamvuohtaj. Ulmusj oahppå dav mij la ådås buoremusåt dan baktu majt åvdutjis diehtå. Valla giella ij la dåssju bågo ja buojkuldagå, giella tjuovvu njuolgadusåjt ja gielan la gråmmåtihkka mij la aj viehkkenævvon åhpatjit ietjå gielajt. Boandås giella arvusmahttå ulmutjav gulldalittjat BIELLE 145 SÅMEGIELLA VUOSTASJ GIELLAN

Det samiske læreplanverket 1997 (L97S) skann 147 skann 147

Siter