Læreplanverket 1997, s. 240 (skann 246)

Opplæringa i faget har som mål • at elevane utviklar evna til å kunne uttrykkje seg musikalsk og meiningsfullt gjennom spel, dans, song og annan vokal aktivitet • at elevane opplever gleda ved å ta aktivt del i og få medansvar for musikalsk og sosial fellesskap gjennom song, spel og dans • at elevane opplever og forstår at deira eigne song-, danse- og musikkuttrykk kan ha kvalitet og verdi, og at musikk og dans kan skape eit grunnlag for forståing og toleran- se • at elevane utviklar musikalsk skjønn ved å lytte til mange ulike typar musikk, levande og innspelt, og ved at dei kan reflektere over møtet sitt og omgangen sin med musikk og verdsetje det musikalske uttrykket til andre • at elevane gjennom aktiv musisering og lytting får kjennskap til ulike musikktradisjonar i Noreg og i andre land og kulturar, til kjende komponistar og utøvarar, til musikkhistoria og til den rolla musikken har og har hatt i samtid og fortid MÅL OG HOVUDMOMENT Mål for småskulesteget, 1.-4. klasse Musisere og danse Elevane skal lære seg songar og dansar frå ulike sjangrar og tradisjonar og øve opp evna si til å syngje og spele. Dei skal bli trygge på si eiga song- og talestemme og på å bruke song, spel og dans i musikalsk og sosial samhandling. Komponere Elevane skal kunne utforske og leike med lyd, tekst og rørsle og komponere med dette materialet i enkle former. Dei skal få oppleve og forstå at musikk kan lagast på ulike måtar og få tiltru til sine eigne skapande evner. Lytte Elevane skal lære seg å delta aktivt i ulike lyttesituasjonar. Gjennom aktiviserande uttrykksformer skal dei i aukande grad vise at dei opplever og forstår. Dei skal utvikle evna til å lytte med interesse og undring til levande og innspelt musikk, og vise at dei forstår at musikk kan verke på oss på ulike måtar. Hovudmoment for 1.-4. klasse ■ ■ 1. klasse/førskule Musisere og danse I opplæringa skal elevane - lære songar og songleikar som er knytte til ulike tverrfaglege tema, songar som eignar seg for fellessamlingar og daglege samvær, for leikprega aktivitetar i musikkfaget, songar til høgtider, til dømes «Deilig er jorden», nasjonale songar, til dømes «Mellom bakkar og berg», songar om dyr, til dømes «Blåmann, Blåmann», enkle folkesongar, til dømes «En sang til deg jeg synge vil», vogge viser, songar og viser av kjende forfattarar og komponistar, mellom andre Thor- bjørn Egner FELLES MÅL FOR FAGET

Læreplanverket 1997 s. 240 skann 246

Siter