Læreplan for gymnaset 1974 · del 3A allmenn studieretning, s. 224 (skann 228)

MELLOMBELS FAGPLAN FOR KURSET I ISLANDSK 1. GENERELL INFORMASJON Kurset i islandsk byggjer på 3-timars kurset i norrønt mål. Det er dermed lagt til 3. året, og har eit timetal på 5 timar i veka. Kurset er tenkt som eit alternativ til 5-timars kurset i norrønt mål. Studieretningsfaget vil såleis i dette tilfellet omfatte eit grunnleggjande 3-timars kurs i norrønt mål + eit 5-timars kurs i islandsk. På same måten som 5-timars kurset i norrønt vil dette kurset og høve godt inn i eit val med fag som tilvalskurs i norsk språk, litteratur, språkhistorie o.l. Av andre språkfag vil særleg tysk og latin kunne stø under opplæringa i islandsk. 2. MÅL 2.1. Undervisninga i islandsk tar sikte på å setje elevane i stand til å lese og skjøne vanleg islandsk prosa å setje elevane i stand til å gi ei grei og god omsetjing til moderne norsk av slik prosa å setje elevane i stand til å oppfatte og skjøne enkel islandsk daglegtale å gi elevane kjennskap til oppbygginga av det islandske språksystemet og dei særdraga som merkjer moderne islandsk mål - å gjere elevane kjende med det språklege sambandet mellom islandsk og norsk, og med likskapar og ulikskapar i den språklege framvoksteren i båe måla • å gi elevane noko kunnskap om islandsk litteratur og *■ kultur. 2.2. Kommentarar til målet. Hovudvekta i undervisninga i islandsk vil liggje på å lære elevane å skjøne målet i tale og skrift. Dei bør kunne oppfatte vanleg klar islandsk tale, t.d. i nyhende-opplesing, opplesing av tekstar o.l. Dei må såleis få god kjennskap til islandsk uttaJe, ikkje minst til slike tilfelle der denne skil seg frå den uttale dei kjenner frå norsk.

Læreplan for gymnaset 1974 · del 3A allmenn studieretning s. 224 skann 228

Siter