Normalplanen 1922 · nynorsk landsplan, s. 74 (skann 78)

15 Umklæding. For øvingar inne må ein byta sko. Trøye, krage og skjerf tek ein av seg, belte og band løyser ein på eller tek av. Gjentone må ha gymnastikklæde, um råd er. Elevane skal klæda seg um snøgt. For øvingar ute må ein ogso klæda seg so lett som råd er, men samstundes taka turvande umsyn til veret. 16 Fritaking og kontroll. Skal ein nå so langt råd er, lyt ein arbeida for at so få som mogleg treng verta fritekne. Kontrollen med fritaking og frammøte lyt gjerast snøgt og plent. 17 Utferder saman med lærar må ein sers råda til. Læraren lyt planleggja ferdene på fyrehand. Han må ogso freista opna augo hjå borni for alt vent, og soleis få borni til å verta glade i naturi og landet. Rutone avmåtar han etter alderen åt borni, og han lyt vera budd på å kunne gjeva den fyrste hjelp ved ulukkeshende. På skiutferder fær elevane øving i å gå etter kart og kompas. Tek ein bad, må ein fullfør symjar leida det. 18 Symjing. Skulen lyt hjelpa til med det upplysningsarbeidet som krevst til å vekkja ansen for lauging og symjing, og der det er høve til det, bør ein føra inn symjing til fag i skulen. IDROTTSHUSET. Dette bør til vanleg ikkje vera mindre enn 16 meter langt, 8 meter breidt og 5 meter høgt. Der ein lyt taka serlege umsyn, kann likevel storleiken gå ned til: Lengd 14 meter, breidd 7 meter og høgd 4,5 meter. Dessutan kann loftet over halve salen lægjast til 3,5 meters høgd. — Umfram idrottshuset lyt det vera eit umklædningsrom. 74

Normalplanen 1922 · nynorsk landsplan s. 74 skann 78

Siter