Mønsterplanen 1987 · samiske fagplaner 1989, s. 7 (skann 9)

OVDASÁTNI Minsttarplána vuođđoskuvlla várás, M 87, mii almmuhuvvui čakčat 1987:s, bidjá eanet deattu sámi ohppiid oahpaheapmái go oahppoplánaide mat ovdal leat almmuhuvvon. M 87:s lea kapihtal mas leat obbalaš ulbmilat sámi ohppiid oahpaheapmái (5. kap), sierra diibmojuohkintabealla ohppiid várás gudiin lea sámegiella fágaid searvvis (14. kap), ja čuovvovaš fágaplánat; sámegiella vuosttašgiellan (21. kap), sámegiella nubbingiellan (22. kap) ja dárogiella nubbingiellan, ohppiin geain lea sámegiella vuosttašgiellan. (23. kap). Viđat kapihttalis lea čállon ee.: «Sámi mánáid skuvlafálaldat lea huksejuvvon dan vuođđojurdaga ala ahte skuvla galgá leat oassin servvodagas. Deahálaš vuođđu oahpaheapmái lea sámiid čearddalaš iešvuohta, čadnon sosiálalaš dillái ja kultuvrii. Dakko bokte go skuvla vuođđuda oahpahusa sámi kultuvrii, lea skuvla nuppi bealis nanneme ohppiid iešdovddu ja iešluohttámuša, ja nuppi bealis fas suodjaleame ja ovdánahttime sámi kulturárbbi.» Sámi fágaplánat leat nubbin oassin minsttarplánii ja dat plánat leat heivehusat dábálaš plánain. Sámi oahpahusráđđi ráhkadii gulaskuddanevttohusaid ja heivehii gulaskuddancealkámušaid plánaide ovdal go ráđđi bijai iežas evttohusa departementta ovdii. Manemus heiveheamit, maid easka dalle sáhtii dahkat go M 87 almmuhuvvui čakčat 1987:s, leat maid dahkkon ovttasráđiid Sámi oahpahusráđiin. Leat ráhkaduvvon sierra fágaplánat kristtalašvuođas, en gelagielas, birasfágas 1.-6. luohkkái, servvodatfágas 7.-9. luohkkái, musihkas, duojis ja ruovttudoalloahpus. Sámi fágaplánain lea sullii seamma struktuvra go dábálaš fágaplánain minsttarplánas. Sisdoalu dáfus leat muhtun plánat dábálaš plánaid sulá, muhtun plánat leat fas eambbo rievdaduvvon. Rievdadeapmi vuolgá fágaid iešvuođas ja das man garrasit fága lea čadnon sámi kultuvrii ja čearddalašvuhtii. Diib- 7

Mønsterplanen 1987 · samiske fagplaner 1989 s. 7 skann 9

Siter