Mønsterplanen 1987 · samiske fagplaner 1989, s. 3 (skann 5)

SÁMI FÁGAPLÁNAT VUODDOSKUVLLA VÁRÁS Sámi álbmogis lea stuora kulturárbi. Sápmelaččain leat ruohttasat guhkás manás ovddeš áiggiide, ja sámivuohta lea ovdánan vaikko servvodatdilli ja birgenláhki lea leamaš mánggalágán. Sámi kultuvra lea min áiggi gávdnan dovdahanvugiid mat áinnas leat áigeguovdilat. Sámi kutuvra gullá unnitčeardda álbmogii ja dan dihte ii leat sámi árbevierus leamaš seammá árvu álo, ja ovtta gaskka lei dáruiduhttin mihttomearrin. Dalle eai dieđusge lean sámi kulturras buot buoremus ovdánan vejolašvuođat, muhto sápmelašvuohta lei liikká nu nanus ahte sámi árbevierut leat almmátge seilon. Min buolvvas leat oahppan ahte olmmošvuoigatvuohta lea beassat ovdánahittit iežas kultuvrra, ja dat berre leat guovddážis min demokráhtalaš stivrenvuogis. Áigi lea dál rievdan. Dađistaga leat návccat biddjon sámi kultuvrra duhtadeapmái ja dasa ahte addit sámi kultuvrii ovdánan vejolašvuođaid. Dát lea boahtán oaidnosii skuvllas sámegiela geavaheami bokte ja iešguđet lágán kultursuodjalan-doaimmaid bokte. M 87 lea álgu buoridit dili ja addit sámegillii ja kultuvrii movtta. Sámi fágaplánat leat deahálaš ráhčamus dan gulvui ahte vuođđoskuvla sáhttá leat várjaleamen ja ovddideamen sámiid iešdovddu giela, ja kultuvrra. Mi sávašeimmet ahte minsttarplána - dat oassi mii ovdal lea almmuhuvvon ja sámi fágaplánat - šattaše buorren vuođđun sámi ohppiide vuođđoskuvllas. Oslo, ođđajagimánnu 1988 Kirsti Kolle Grøndal

Mønsterplanen 1987 · samiske fagplaner 1989 s. 3 skann 5

Siter