Mønsterplanen 1987 · samiske fagplaner 1989, s. 41 (skann 43)

gávdnojit máilmmis. Oahppit galget buot luohkáin beassat gullat earáid go oahpaheaddji hupmama, vai son ii šatta áidna hupmanovdamearkan. Oahppit galget beassat guldalit ja oahppat earuhit iešguđet lágán jietnadagaid ja álkis cealkkanuohttahámiid. Lea buorre jus oahppit ipmirdit ahte jietnadat lea eaktun dasa ahte addehallá engelasgielain ja ahte cealkkanuohttahámit sáhttet leat veahkkin ipmirdit dan mii daddjo. Erenoamážit berrejit oahpahallat dadjat dakkár jienaid ja jietnadagaid mat eai gávdno ohppiid eatnigielas. Jietnadat- ja cealkkanuohttahárjehallamii ii gula dušše hárjehallat dadjat muhtin oktonas jietnadagaid, sániid dahje sátnehámiid. Oahppit fertejit oahppat geavahit daid albma hupmanoktavuođain. Sii berrejit maid oahppat lohkat jietnačállaga. 5.–9. luohkká Jietnadagat: Alfabeahta stávet. Konsonánttat ja vokálat, erenoamážit jietnadagat mat ohppiid mielas leat váddásat dadjat dahje maid lea bahá seaguhit oktii eará jietnadagaiguin. Gehppes hámit, /a/ vokála jietna. Stohkosat main lea jietna sirren ulbmilin. Lohkat jietnačállaga. Deaddu sániin ja cealkagiin: Hárjehallat bidjat deattu rievttes sadjái. Maid rievttes deaddobidjan mearkkaša cealkaga ipmárdussii. Cealkkanuohtta: Dábaleamos cealkkanuohttahámit, muitalancealkagat, jearaldagat. IEŠGUĐET LÁGÁN TEAVSTTAT Teakstastátni gokčá dás buot daid oahpponeavvuid maid oahppit geavahit, maid sii lohket, gehččet dahje guldalit. Teavsttaiguin sáhttá álggahit ságastallama, addit oahpu, luvvet jurdagiid ja diktit iežas muosáhit. Oahppit dárbbašit iešguđet lágán teavsttaid main lea heivvolaš giella ja sisdoallu. Sii fertejit beassat oahpásmuvvat engelasgielain mii geavahuvvo beaivválaš eallimis (duohtadáhpáhusat). Sii galget maiddái guldalit teavsttaid main leat iešguđet lágán engelas dadjanvuogit. Oahppit galget maid bargat máidnasiiguin, muitalusaiguin, lyrihkain ja teahterbihtáiguin. Stuorit ja smávit girjjiid lohkan berre oažžut guovddáš saji juohke oahppi oahpaheamis. Dát addá vejolašvuođa juogadit oahpeami dárbbu mielde. Lea deahálaš ahte oahppit hárjanit lohkat guhkit teavsttaid iehčanassii. Dát sáhttá addit sidjiide buoret luohttámuša alcceseaset ja addit sidjiide hálu lohkat eanet. Oahppit galget beassat ieža ráhkadit teavsttaid. Sihke teavsttaid ráhkadeapmi ja gárvves teavsttat leat mávssolaččat sidjiide, earenoamážit jus dat adnojit oahpaheapmái. Ohppiid geat eai leat čeahpit engelasgielas, berre árvosmahttit ja veahkehit vai sii ožžot dovddut ahte sii leat lihkostuvvan teakstabargguin. Oahppit fertejit hárjanit árvvoštallat iešguđet lágán teavsttaid maid sii friddjááiggis lohket. Muhtin teavsttaid heive geavahit olles luohkái, earáid fas smávit juovkkuide dahje oktii ja oktii. Teavsttaiguin maid ferte mánga ládje bargat 5.–6. luohkká Lávlagat, hoahkamat ja ovttalágán jienat (rim). Teavsttat maid ohppiit ieža leat ráhkadan: Ságastallan, boastagoarttat, seaidneáviissat, teavsttat govaide. Jietna- ja govvaávdnasat: Sárgumat, govat, plakáhtat, kasseahtat, musihkka skearrut, videográmmat. 41

Mønsterplanen 1987 · samiske fagplaner 1989 s. 41 skann 43

Siter