Mønsterplanen 1987 · samiske fagplaner 1989, s. 29 (skann 31)

gaskal kristtalašvuođa ja eará oskkuid eallinoainnuid vai bohtet ovdan sihke vuođđoerohusat ja oktasaš árvvut. Guovddážis dán oktavuođas lea Ipmila govviddus, olmmošoaídnu, ávddalašvuohta ja bestojumi geaidnu. Oahpaheapmi galgá veahkehit ohppiid máhttit eallit ovttas ja dohkkehit olbmuid geain lea eará osku. Oahppu ja ipmárdus eará olbmuid oskku ja eallinoainnu ja sin eallinvuogi birra, lea deahálaš eaktun go galgá sáhttit čájehit dohkkeheami ja gierdavašvuođa. Lea deahálaš čájehit makkár árvu oskkus ja eallinoainnus lea olbmui, ja ožžut ovdan ahte gierdavašvuohta ii mávsse dan ahte galgá hilgut iežas oainnuid vaikko earáid árvvus atná. Oahpaheapmi galgá leat vealákeahttái ja viiddis, ja olbmot báikkálaš birrasis galget beassat muitalit sin eallinoainnuset dahje sin oskkuset birra ohppiide dain bajimus luohkáin. 1.–3. luohkkái Olbmot geain lea eará osku: Eallinoaidnu ja oskkusuorggit báikkálaš servvodagas, riegádahttin ja nammabidjan vierut, allabasit. 4.–6. luohkkái Iešguđet lágán oskkut ja eallinoainnut: Oahpahit muhtin válljejuvvon oskkuid ja eallinoainnuid birra main ávddalašvuohta ja Ipmila govvidusat deattuhuvvo. Dovdahanvuogit: Symbola, vierut bassin ja árgan, mearkabeaivvit eallimis. Gierdavašvuohta: Sáni mearkkašupmi, čielga ovdamearkkat eahpegierdevašvuhtii, movt eallit ovttas olbmuiguin geain lea eará osku dahje eará eallinoaidnu Sámi osku ovdal kristtalašvuođa: Oktavuohta gaskal dološ sámi oskku ja kristtalašvuođa. Sullasašvuođat. 7.–9. luohkkái Kristtalašvuohta ja eará oskkut ja eallinoainnut: Sullasašvuođat ja erohusat mat gusket Ipmila govvidussii, olmmošoidnui, bestojumigeidnui ja ávddalašvuhtii. Oktasašárvvut, friddjavuohta oskku ja jurdagiid dáfus ja gierdavašvuohta, ovttaseallimis čájehit dohkkeheami, searválaga bargat oktasaš doaimmaiguin. Mávssolašvuohta go olbmos lea eallinoaidnu dahje osku. Dovdahanvuogit: Ipmilbálvaleapmi, rohkos, vuđolaš jurddašeapmi (meditašuvdna), mystihkka, mearkabeaivvit eallimis ja vierut mat gusket jápmimii, allabasiid basuheapmi, lávlun, musihkka, dánsun, dáidda ja kulturvuogit Sámi osku ovdal kristtalašvuođa: Oktavuohta gaskal dološ sámi oskku ja kristtalašvuođa. Sullasašvuođat. LISTU MAS LEAT NEAVVAGAT BIIBBALČÁLLAGIID, SÁLMMAID JA LÁVLAGIID BIRRA Listu lea vuođđun go galgá bargat biibbalčállagiiguin, sálmmaiguin ja lávlagiiguin kristtalašvuođa oahpaheamis iešguđetge váldobarggu oktavuođas. Go jahkeplána ráhkada, de ferte veardidit makkár oassebargguide galgá oahpahit iešguđetge luohkás. Mánga biibbalčállaga sáhttá áinnas lohkat mángga váldobarggu barggadettiin. Dat guoská erenoamážit ávddalašvuođa váldobargguide (7 ja 8). Dan vuogi movt teavsttaiguin bargá, ferte veardidit daid bargguid sisdoalu ektui maiguin lea bargame, ohppiid eavttuid ektui ja teavsttaid sisdoalu ektui. Teavsttaid berre mángga láhkái meannudit oahpaheamis. 29

Mønsterplanen 1987 · samiske fagplaner 1989 s. 29 skann 31

Siter