Mønsterplanen 1987 · 3. opplag 1991, s. 149 (skann 151)

Oahpu sisdoallu ja progrešuvdna Sámegiela oahpahusas lea eambbo go giellaoahppu. Giella lea maiddái ávnnas buot eará fágaid oahppamii. Vuosttaš giela oahpahus lea dainna lágiin buot oahpaheddjiid ovddasvástádus. Dán plánas lea moatte sajis namuhuvvon gielladikšun sierra čuoksisin. Sámegiela oktavuođas lea stuora dárbu bargat gielladikšumiin ja hárjánit jurddašit gielladikšuma birra dego lunddolaš oassin giellaoahpaheamis. Plána čuoggát leat dušše álgoovdamearkan dán bargui. Muđui čujuhuvvo maiddái lassin dárogiela plána bargguide. Bargovuogit Sámegiella lea vuđolaš fága mas leat molsašuddi bargovuogit. Fágan das leat guokte váldoulbmila: Dat lea vuos bargoávnnas (gulahaddan-/kommuniserengaskaoapmi) ja dasto lea ieš oahpahallanávnnas (giellaoahppu). Guovddáš bargovuohki šaddá nappo oahppat giela dalle go oahppá giela geavahit. Dán oktavuođas ferte deattohit dramatiserema (govvema) ja iežá/eará giellalaš hápmema, nu ahte ohppiin ovdána gálga buktit ovdan iežaset jurdagiid, oaiviliid ja dovddiid. Lagasbiras ja ohppiid vásihusat berrijit leat vuođđun rehálaš ja árjjalaš eallinčielggadeapmái. Buot luohkkádásiin berre sámegiella šaddat lunddolaš oassin fágaidgaskasaš doaimmain, sihke klássain ja muđui skuvllas. Kapihttal bargovugiid birra dábálaš oasis addá ávkkálaš dieđuid bargovugiid ja oahpahanvugiid birra. Veardideapmi galgá maiddái dáhpáhuvvat dađistaga barggu mielde, ja nu movttiidahttit ja oahpistit máináid barggusteaset. Buot oasit sámegiela fágas veardiduvvojit. Dákkar ollislaš veardideamis galgá sihke njálmmálaš ja čálalaš giellageavaheapmi oažžut saji. Oahppit dárbbašit dásiset ektui veahki giellaoahpu váttisvuođaide, ja dávjá lea vuogas váldit ovdan ovtta sierra váttisvuođa ain hávális. Dát sáhttá lihka bures guoskat oba teavstta hábmemii, go mearkabidjamii dahje riektačállimii. Sisdoallu ja muitalanvuohki lea deatálaš ohppiid friddjaset bargguin. Vuolit cehkiin galgá várrogasat divodit. Riektačállimis galgá deaddu, muhto dát i galgga go oassi veardidanvuođus. Loahppageahččaleapmi galgá vuolggahuvvot fága ollisvuođas ja vástidit oahpu ulbmilii. Oahppit galget beassat almmuhit iežaset máhtu ieš guđet lágan giellageavaheamis. Oahpponeavvut Oahpponeavvut eai leat dušše girjjit ja čálalaš hárjehallangaskaomit. Buot osiid váldobargguid vuolde galgá geahččat oahpponeavvun. Dát leat sihke oahppogirjjit, ohppiid iežaset bargu, servvodat, luondu ja máilbmi olggobealde skuvlla. Sámegiela oahpahusas lea dárbu geavahit jietnabáttiid, filmmaid, video ja dakkáriid oahpponeavvun. Ii ge sáhte geavahit ja vuordit dušše gárvves ávdnasiid, 149

Mønsterplanen 1987 · 3. opplag 1991 s. 149 skann 151

Siter