Det samiske læreplanverket 1997 (L97S), skann 201

AALKOE Faagen sijjie skuvlesne. Tjielke guektiengielevoete lea jillemes vuepsie gosse saemien mubpine gieline øøhpehtidh. letniengielese lissine edtjieh learohkh dan hijven saemiestidh guktie maehtieh saemien ektievoete-jieliemisnie eadtjohkelaakan meatan årrodh. Gosse skuvlesne aelkieh, learohki gielemaahtojne maahta stoerre joekehtse. Såamesh eah man hijvenlaakan saemesth, jeatjebh jis bueriebuktie. Skuvlen lea joekoen diedte, learohkh edtjieh gåabpatjahkide gielide gorredidh jih øøvtiedidh. Dihte learoehkidie dijpie gieh gøøkte gielh hijvenlaakan maehtieh jih dovne learohkh giej lea akte giele gosse skuvlesne aelkieh. Learohkedåehkien, mij daelie lea naa stoerre, lea saemien jih dovne daaroen gåetiegieline. Dagkeri learohki lea reakta joekehth øøhpehtimmiem åadtjodh mij bøøremeslaakan gåabpatjahkide gielide øøvtede. Saemien gielem eensilaakan maehtedh, lea aelhkie saemien kultuvrisnie jih ektievoete-jieliemisnie meatan. Gosse learohkh åadtjoeh saemien gielem jih lidteratuvrem lohkedh, dellie guarkoeh man gellielaaketje saemien ektievoete-jielemen kultuvre lea. Nimhtie aaj jienebi kultuvri bijre maahtoe avtene. Gielem eensilaakan maehtedh jih guarkedh, dam bøøremes øøvtede gosse soptseste. Jis learohkh edtjieh saemien gielesne daerpies tjirkesvoetem åadtjodh, dellie tjuerieh nuepieh åadtjodh saemiestidh dovne skuvlesne jih voengesne. Nimhtie dam hijven saemien daaroen gielese lissine lohkehtidh. Saemien gielem maahta vierhtiegieline/-øøhpehtimmiegieline dovne jeatjah faagide utnedh. Daate learoeplaane, saemien mubpine gieline, lea nimhtie dorjesovveme guktie dovne noerhte-, luvle- jih åarjel-saemien dajvine utnedh. Faagen barkoevuekieh. Gaajhkine åejviedaltesinie lea vihkeles nimhtie barkedh guktie learohki gielemaahtoste aalka. Barkoevuekieh jih øørnemehammoeh sjiehtesjidh guktie hijven jih skreejres lohkemevoenge sjædta. Vihkeles lea, gieleøøhpehtimmesne voengem vierhtine utnedh, guktie sjiehteles jih joekehth-laaketje gielem åådtje. Vuelemes daltesisnie gelkieh learohkh nuepiem åadtjodh jienehkem saemiestidh. Øøpehtimmesne galka stååkedimmie, dorjehtimmie jih vuesiehtimmie vihkeles årrodh. Gaskedaltesisnie galka dihte stååkedimmie jih giehtjedimmie jåarhkasovvedh. Vihkeles lea aaj lohketimmesne mujhtedh learohkh daennie daltesisnie jienebem saatnan bijre sijhtieh daejredh. Tjaeliemisnie gelkieh learohkh åssjalommesh, mielh jih domtesh buektedh. SÆJROEH 199 SAEMIEN MUBPINE GIELINE

Det samiske læreplanverket 1997 (L97S) skann 201 skann 201

Siter