Forsøksplanen 1960 · 2. utgåve 1966, s. 45 (skann 47)

45 Utplasseringa skal minimum omfatte ei veke på 8. steg, maksimum to veker på 8. og to veker på 9. steg. Som regel skal halve klassen utplasserast, medan dei andre elevane får vanleg undervisning. Saman med arbeidsformidling og arbeidstilsyn må skolen sørgje for det nødvendige tilsynet med utplasserte elevar. Dersom det ikkje er mogleg å gjennomføre individuelle utplasseringar for alle elevane, kan skolen ordne med kollektive tiltak som gjev elevane orientering om yrkes- og næringsliv. Utplasseringa blir ikkje rekna som arbeidstilhøve etter arbeidarvernlova, men arbeidstilsynet skal ha kontinuerlege meldingar om verksemda. Elevane er dekte av yrkesskadetrygda, men skolane må teikne ansvarstrygding. III. Hovudmoment i rådgjevinga. Rådgjevinga skal hjelpe elevar og foreldre med å skaffe dei opplysningane og den hjelpa som er nødvendig og mogleg når dei skal løyse problem som gjeld bl. a.: 1) Framgang i skolen, lekselesing, studievanskar etc.; 2) val av fag og kursplanar i ungdomsskolen; 3) val av vidare utdaning og opplæring; 4) yrkesval; 5) personleg tilpassing i og utanfor skolen. Av arbeidsformer og tiltak som er aktuelle i denne samanhengen kan nemnast: 1) faste konsultasjonstimar i og utanfor skoletida; 2) innsamling av data om elevane frå barneskolen, føring av elevkort; 3) utarbeiding og distribusjon av opplysningsmateriell; 4) foreldremøte i førstninga av skoleåret og føre fag- og planvalg til nytt skoleår; 5) konferansar med føresette i samband med fag- og planval, skifte av kursplan o. 1.; 6) konferansar med lærarane om elevar som har spesielle problem (fagvanskar o. 1.).

Forsøksplanen 1960 · 2. utgåve 1966 s. 45 skann 47

Siter